बाजुरा जिल्लामा पछिल्लो दुई बर्षदेखी बाख्रा पालन व्यवसायलाई चुस्त बनाउन नौ वटै स्थानिय तहमा नयाँ योजना अघि सारेको छ । स्थानिय तहले यस बर्ष मात्र जिल्लाका चार सय पचास परिवारलाई बाख्रापालनमा सहयोग गरेको छ । ‘बाख्रा भएकालाई आधुनिक गोठ निर्माणमा सहयोग गर्ने र बाख्रा नहुँनेलाई बाख्रा बितरण गर्ने स्थानिय तहको योजना छ ।
‘बाख्राको पनि घर हुँदो रहेछ, बाख्रालाई पनि राम्रो घर चाहिनेरहेछ भन्ने कुरा हामीले पहिलो पटक थाहा पायौं ।’ कहिले ओढारमा त कहिले जंगलमा बाख्रा राख्दै आएका ठकु बुढा भन्छन् ‘हामीले त खुल्ला आकासमा रुखका हाँगाले बारेर बाख्रा पालेका थियौं, कहिलै ओडारमा राख्यौं कहिले जंगलमा ।’
बुढाको अनुभवमा उनका बाख्रालाई लुतो आउने खो-यात लाग्ने हुन्थ्यो । बुढा भन्छन् ‘स्यालले कति लगे लगे ।’ अहिले खोरमा राखेपछि निकै सजिलो भएको बताए । ‘राती ताल्चा लाउछौं, दिउसो सफा गर्छौ न स्यालले लाने डर न त रोगकै ।’
बाख्राको खोर भन्दा राम्रो भएपछि रोग पनि नलागेका र आम्दानी पनि बढेको बिरबहादुर रोकायाले बताए ।
जिल्ला भेटनरी अस्पताल तथा पशु बिज्ञ केन्द्रले पचास जना कृषम छानेका छ, ति मध्ये बीस जनालाई एउटा वडाले खोर बनाउन सहयोग गरेको छ । तीस जनालाई बाख्रा दिने कार्यक्रम छ । किसानलाई यो कार्यक्रमले धेरै राहात भएको जगन्नाथ बाख्रापान समुहकी कोषाअध्यक्ष सुमित्रा भण्डारीले बताईन् ।
‘हामीले दुई बर्ष देखी यो कार्यक्रम संचालन गरेका छौं, राम्रो काम भएका छ । ब्यबसायीक रुपमा लगानी गरेका किसानलाई सहयोग भएको छ । यो कार्यक्रम नियमति गर्न पर्ने छ ।’ जिल्ला भेटनरी अस्पताल तथा पशु बिज्ञ केन्दका कार्यलय प्रमुख शिद्धराज जोशीले बताए ।
आफ्नो ब्यवसायका लागि सरकारले सहयोग गर्दा यहाँका कृषक खुशी भएका छन् । नयाँ कार्यक्रम बितरण मुखी भन्दा पनि यसरी जसले जे ब्यबसाय संचालन गरेको छ। त्यसको ब्यवस्थापनका लागि कार्यक्रम दिने हो भने किसानहरु आफ्नो ब्यवसायबाट फाईदा लिन सक्ने देखिन्छ ।
