बिहीबार राति भएको अविरल वर्षाका कारण आएको बाढीले बाजुराको बुढीगंगा नगरपालिका- ६, बाम्का बजारका दुई पसल बगाएको छ । बाम्का बजार क्षेउको छडा खोलाले कटान गर्दा २ ओटा पसल बगाएको बार्जुगाड प्रहरी चौकीका सई रामबहादुर थापाले जानकारी दिए । एक दर्जनभन्दा बढी पसलभित्र पानी र माटो पसेको थापाले बताए । बाम्का बजारमा होटल गर्दै आएका […]"/>
बाजुराको छडा खोलामा आएको बाढीले दुई वटा पसल बगायो – शिंजापति
बिहीबार राति भएको अविरल वर्षाका कारण आएको बाढीले बाजुराको बुढीगंगा नगरपालिका- ६, बाम्का बजारका दुई पसल बगाएको छ ।
बाम्का बजार क्षेउको छडा खोलाले कटान गर्दा २ ओटा पसल बगाएको बार्जुगाड प्रहरी चौकीका सई रामबहादुर थापाले जानकारी दिए । एक दर्जनभन्दा बढी पसलभित्र पानी र माटो पसेको थापाले बताए ।
बाम्का बजारमा होटल गर्दै आएका त्रिबेणी नगरपाललिका लोकेश नाथ र ग्यारेज सञ्चालन गर्दै आएका मन थापाको पसल बगाएको प्रहरीले जानकारी दिएको छ । छडा खोलाले कटान गर्दा पसलको पछाडिको भाग भत्केको छ ।
त्यस्तै गजेन्द्र शाहको हार्डवेयर, राजेश साउदको मोटरसाइकल ग्यारेजलगायत दर्जन बढी पसलमा पानी पसेर क्षति भएको थापाले बताए । क्षतिको विवरण संकलन भइरहेको उनले बताए ।
